Ads Top

ملخص مؤتمر I/O 2017 الخاص بجوجل



المؤتمر مكنش طويل اوي لكن كان دسم و اعلنو فيه عن حاجات كتير وافصحو عن شوية معلومات خاصة ب Android O 😃
في الاول اتكلمو عن شوية احصائيات زي ان عدد مستخدمي اجهزة Android وصلو ٢ مليار مستخدم نشط شهريا وان عدد مستخدمي خدمات وتطبيقات Google (زي Maps - Youtube) وصلوا مليار مستخدم نشط شهريا.
بعد كده اتكلمو عن مميزات خفيفة متفرقة اضافوها :
اول حاجة كانت الSmart Reply 
ميزة اضافوها لتطبيق الGmail عبارة عن ردود مقترحة معتمدة علي الذكاء الصناعي
كمثال لو جالك ايميل في وسط الكلام هل انت مشغول في هذا الموعد ؟
هتلاقي الGmail جايبلك ردود مقترحة زي 
نعم انا مشغول للاسف - لا انا متفرغ ماذا تريد ؟ 
وهكذا بقي 😃 طبعا دي ميزة مش مهمة اوي بس مجرد حاجة تسهل وتوفر وقت شوية مش اكتر.
واعلنو عن حاجة تعتبر من المبتكرات الجديدة والحلوة فعلا واستخداماتها مش قليلة وهي Google Lens 😃
تقدر تقول عليها هي كاميرا مفكرة ... ازاي يعني ؟
دي تقنية معتمدة علي الذكاء الصناعي AI ليها مميزات ووظايف متعددة وهنقول كذا مثال دلوقتي
١- تخيل انت مصور صورة زي صورة الولد اللي بيلعب Baseball ده تحت ... الصورة حلوة مفيش كلام بس السور السلك ده مبوظها ولا ايه رايك ؟ تقوم جوجل لنس ده تلقائيا تشيل السور ده من الصورة عشان الصورة تطلع باحلي منظر ممكن 😃
٢- الFace Reaction Recognition وده نسبة نجاحه في Google Lens اعلي من نسبته في الانسان نفسه 😂
بيعتمد علي معرفة ردود افعال وانفعالات الوش ويقدر يعرف ازا كنت مبسوط - حزين - محتار - ....الخ الخ 
٣- لو انت مصور اي حاجة كده عليها Barcode كثلا هتلاقيه اوتوماتيك عمل Select للبار كود ده عشام لو احتاجته في حاجة تعرف تقرا الداتا بتاعته 😃
٤- في بردو screenshot smart reader وده فكرته انك لو ت سكرينشوت لحاجة مثلا فيها باركود او عنوان او تليفون الموبايل بيقراها ويخليك تقدر تستخدم الحاجة دي وتاخدها كوبي من السكرينشوت 😃
الكلام اتنقل للحديث عن Google Assistant
قالوه ان عدد مستخدميه وصلو 100 مليون جهاز وان نسبة الخطأ في فهم الكلام قلت الي 4.9%
واعلنو لاول مرة ودي كانت من مفاجآت المؤتمر ان الاسيستانت هيحون متاح للتحميل علي اجهزة IPhone 😂😂
فيه تطويرات ملحوظة اتعملت للاسيستانت وكلنا شفنا تجربة ليه في المؤتمر وكانت النتيجة روعة فعلا 😃
التطوير خلاه More Conversational يعني عنده قابلية للحوار بنسبة اكبر 
زودوا فيه ميزة انك تكتبلو وتعمل شات معاه مش مجرد كلام ناطق 😃
واعلنو انه بالاضافة انه بقي متاح للايفون فهو متاح علي كل الاجهزة الاخري زي التليفزيونات والسيارات والساعات الذكية 
اعلنو بردو انه بقي بيعتمد لغات اكتر
زي فرنسي - ايطالي - الماني - ياباني - برتغالي - كوري
وبقي فيه integration بينه وبين كل الapps تقريبا سواء تطبيقات جوجل او غيرها بمعني ان الاسيستانت يقدر يساعدك ويتفاعل معاك وانت بتستخدم الفيسبوك مثلا 😃
والمفيد انهم زودوه بمميزات تخليك تقدر تعمل Transactions سواء بنكية او غيرها وتم التجربة قدامها ان واحدة طلبت اكل من مطعم ما والاسيستانت هو اللي بيسالها عن اللي عايزه بالظبط ويعرضلها الmenu واسعار كل صنف وكل الخطوات بالكلام مع الاسيستانت من غير ما تروح لموقع المطعم مثلا وفي الاخر وراها التكلفة الاجمالية الاوردر اتاكد وهيحصل Delivery عن طريق موقعها اللي الاسيستانت بعته للمطعم من الGPS 😃
وطبعا تقدر تحول فلوس من عليه لحساب اي حد تاني في البنوك بردو.
اتكلمو عن تطويرات في تطبيق Google Photos
اضافات بسيطة بس هتساعد كويس اوي فعلا ✌
عارفين ميزة ترتيب وتجميع الصور اللي هي ان التطبيق بيلملك كل صور الاطفال مثلا في البوم لوحده وكل صور الورد مثلا او الشجر في البوم لوحده وهكذا الميزة دي اضافولها حاجة اسمها Shared Photos/Libraries ودي بتمكنك تخلي صور معينة انت محدد الالبوم بتاعها مثلا انها تتبعت لشخص معين يعني مثال لو انت متجوز وبتصور ابنك كتير ممكن تعمل حاجة تخلي اي صور اطفال تصورها تلقائيا تتبعت لGoogle photos بتاع مراتك 😃
طبعا دي ميزة هتخليك تتحاشي قرف صاحبط فوتوجرافر الشلة اللي بيصور الخروجة بموبيله ويذلكو عشام يبعت الصور 😂😂
نيجي بقي للجزء اللي كله مستنيه... Android O 
اعلنو ان فبه ٢ مليار جهاز اندرويد نشط شهريا بما فيهم السيارات والساعات الذكية
واعلنو شوية مميزات من Android O الغير معروف اسمه حتي الان😃
اول ميزة الPic in Pic
ودي ميزة بتخليك مثلا لو عايز تتفرج علي حاجة علي يوتيوب وفي نفس الوقت عايز تعمل حاجة تامية في جوجل كروم مثلا الميزة دي بتصغر صورة اليوتيوب عشان تشغل معاها اي تطبيق تاني انت عايزه ومش شرط يوتيوب الكلام منطبق علي اي حاجة (لو مش فاهم شوف الصور تحت هتفهم)
تاني ميزة الNotification Dots ودي بتمكنك تقرا الاشعارات اللي جيالك علي تطبيق معين عن طريق انك تضغط ضغطة مطولة عليه هيفتح شاشة صغيرة فيها الرسالة اللي جيالك مثلا وهتلاقي في الصور الشكل اللي اقصد عليه لعرض الرسايل..
تالت ميزة وحاسسها متكررة هي الAuto Fill ان كل التطبيقات بقت بتدعم انه تتذكر بيانات دخولك اللي هما الايميل والباسوورد
رابع ميزة الSmart Select ودي بتخليك تقدر لو انت بتقرا مقال مثلا وفي عنوان - رقم موبايل - رقم حساب او حاجة مميزة عموما لو عملت Double click علي الحاجة دي مهما كانت طويلة بس تكون مميزة هتلاقيه عمل Select عليها عشان لو عايز تاخدها كوبي مثلا 😃
دول المميزات اللي اعلنو عنهم واعلنو بردو ان هيمون فيه تغيير كبير في كل حاجة في Android O سواء settings او Security او Cutomisation ... الخ 
والجديد بقي ودي حاجة خاصة بالمطورين ان جوجل اعلنت ان اللغة الرسمية لتطبيقات الاندرويد هتبقي Kotlin بدل جافا 😃
اعلنو عن Google Home زي Dock كده تقدر تعمل منها مكالمات تسمع موسيقي ومميزات كتير وهيبقي ليها بوست لوحدها باذن الله 😃
نيجي بقي لاهم حاجة بالنسبالي في الIO وهي Android Go project 😃
فاكرين مشروع Android One اللي اتعمل للاجهزة المنخفضة ؟
ده تطوير للمشروع ده 
اندرويد جو مشروع للاجهزة الEntry Level الغرض منه انك تستمتع بتجربة نظام الاندرويد بنفس السرعة والثبات علي الاجهزة ال1GB RAM او اقل كمان 😃
الproject ده ليه الapps الخاصة بيه زي Youtube Go و Skype lite ..... الخ الخ
يوتيوب جو فيه مميزات كتير زي انك تقدر تاخد preview عن الفيديو قبل ما تشغله وكمان لما تشغل الفيديو بيسالك الاول عايز تشغله علي جودة ايه وبردو بيوريك كمية الميجابايتس اللي الفيديو هيستهلكها 😃
الapps الخاصة بمشروع Android Go بتمتاز انها بتوفر استهلاك البطارية وبتستهلك ميجابايتس اقل وكمان مساحة الapp نفسه صغيرة
اندرويد جو هيوصل لكل الاجهزة اللي شغالة بنظام اندرويد ورام 1GB او اقل 😃
التجربة اللي اتعملت قدامنا كان لواحد بيستخدم سفاح الرام Google Chrome علي موبايل ب512MB رام والمفاجاة ان الرام الفاضية كانت 384MB 😃
بعد كده اتكلمو عن الGboard الكيبورد الخاص بجوجل واعلنو انه بقي بيدعم لغات اكتر واعلنو عن ميزة جديدة وهي الInstant translator ودي حاجة في الكيبورد لو انت مثلا بتكلم واحد هندي وانت مش عارف يعني اهلا بالهندي مثلا بتكتب علي الكيبورد الكلمة بالانجليزي وهو بيبعتها هندي 😃
اعلنو عن Vr Glasses بإسم Standalone V جديدة هتشتغل من غير اي موبايل او اسلاك او كومبيوتر وهتكون بالتعاون ما بين Google و HTC و Lenovo.
اتكلمو عن الواقع المعزز Augmented Reality (زي لعبة Pokemon Go كده) وازاي هيستخدمو التقنية دي في التعليم
اعلنو عن حاجة اسمها Tango Phone من Asus للاستخدام في الAR وعن تقنية VPS او Visual Positioning Service ودي حاجة زي الGPS بس بتستخدم في الواقع المعزز وبتخليك تشوف تفاصيل رهيبة في المباني او الاماكن عموما 😃
استخدمو الواقع المعزز AR في التعليم عن طريق نماذج من العلوم بتشوفها قدامك كانها حقيقية وكده تقدر تدرس الحاجة وتتخيل شكلها صح 😃 اللي اتعرض قدامنا كانت اجزاء تشريحية من الجسم زي الرئة والقلب وكمان مجسم للDNA و جزيئات المادة في الكيميا 😃
ده فيديو مدته دقيقة شوفوه وهتفهمو المقصود 😉 
ودي تقنية اسمها تقنية الTango واعلنو عن هاتف Tango من asus بإسم Asus Zenfone AR عشان يستخدم في الواقع المعزز.
https://youtu.be/ewXdwASubOE
وبكده نكون نقلنالكو معظم تفاصيل المؤتمر لو مش كلها وبنعتذر لو اغفلنا حاجة 😄
انزلو اتفرجو علي الصور بقي عشان تشوفه الحاجات اللي مفهمتوهاش من مجرد الكتابة 😄
لايك وشير للبوست عشان غيرك يستفيد 😃
لما سالونا في الاخر ايه اكتر حاجة عجبتك في الحاجات الكتير دي كان تفكيري كله علي Android Go انا كناس عايشة في مصر اكتر فئة موبيلات شغالة هي الفئة اللي تحت ال٢٠٠٠ جنيه اللي معظمها هيكون بمواصفات منخفضة فاامشروع ده هيساعد اللي معاه موبيل متواضع شوية انه ميحسش بالموضوع ده 😃
ايه اكتر حاجة عجبتك ؟ 😃

ج
😃
جميع حقوق محفوظه لصفحه AndroidEmpire علي فيسبوك

ليست هناك تعليقات:

يتم التشغيل بواسطة Blogger.